Turizm
Kaleidoskop Łužica
Za Waš dowol we Łužicy skića so pisany spektrum móžnosćow: aktiwne wočerstwjenje při kolesowanju, pućowanju a wódnym sporće, wotkryća w historiskich městach a idyliskich wjeskach, bjezposrědnje dožiwjenje pisaneje wuměłskeje a kulturneje sceny, žiwych nałožkow a bohatych tradicijow kaž tež wokřewjenje při wólnočasnych poskitkach.
Štóž kulturu lubuje, tomu poskićuje Łužica wotměnjaty program: Hač klasiske abo moderne dźiwadło, regionalny hudźbny festiwal abo zajimawe wustajeńcy w muzejach – zawěsće kóždy něšto přihódne za sebje namaka.
Łužica ze swojimi wólnočasnymi kupjelemi a parkami, wuskokolijatymi železnicami a nadosć městnom k hrajkanju a wotkrywanju je raj za dźěći. Móža so do swětow fantazije zanurić, w kóždym počasu napřemo sankować, ze sawrijeremi wojować, hory zdobywać, na njesłyšane stawiznički posłuchać a susodnej krajej – Pólsku a Čěsku – wopytać.
Štó njeby wulkotne Błóta, krasny park wjercha Pücklera abo Žitawske horiny z bicarnymi skaliznami znał? Tola Łužica poskićuje hišće tójšto wjace: Tu nastawa najwjetša kumštna wodźiznata krajina Europy a štwórta najwjetša jězorina Němskeje. Jeje fantastiske wuwiće a turistiske wotkryće móžeće bjezposrědnje sobu dožiwić.
Móžnosće za Waš dowol su w prawym zmysle słowa bjez mjezow.
Regionalni narěčni partnerojo
| Marketingowa towaršnosć Hornja Łužica-Delnja Šleska zwr jednaćel dr. Holm Große Tzschirnerowa 14a 02625 Budyšin telefon: +49 (3591) 48770 telefax: +49 (3591) 487748 e-majl: info@oberlausitz.com |
Regionalny management regiona Łužica-Błóta regionalna managerka dr. Christina Eisenberg Gubinska 24 03046 Choćebuz telefon: +49 (355) 28890404 telefax: +49 (355) 28890405 e-majl: info@lausitz.de |
Naju zhromadny wustup w interneće:
www.lausitz.de